مــشـــــــــــــتــاق لك ....

[& المشآكسـ &]

مشتاق لك .. وينك لك ايم غايب
...... وين انت قلي .. وين غابت لياليك

مابعادنك .. بليا سبايب
...... تغيب هالمدة عن عيون مغليك

يافرحه ايامي .. وكل الحبايب
..... تعال لو ماجيتني كان ابجيك

عليك قلبي ياهوى البال ذايب
..... انا وقلبي في غيابك نناديك

سمت بي الاشواق بعدك عجايب
..... بين الخيال وذكرياتك وطاريك

ادري ماكان الظن بك يوم خايب
..... وافي ولاتنسى ولاني بناسيك

تعال راق الكيف .. والجو طايب
..... اروى ظمى قلبي بشوفك واحاكيك

لاتقول لي وش عقب غيبتك جايب
..... كل الهدايا ماتجي فرحتي فيك