شلون تصيدين واحد تتمنين يكون زوجج تعالوا معاي

[عسوووله]

http://www.sa-girl.com/vb/images/smilies/vbsmilies/19.gif

شلون تصيدين واحد تتمنين يكون زوجج ا ؟؟؟؟؟؟؟؟؟
بدون مغازل و ترقيم والأساليب الغلط

أول شيء حطي عينك على العجوز اللي أنتي بالأساس عينك على ولدها
ثم نفذي ما يلي :

1/ خليك مع أمك ولا تروحين مع البنات وتستهبلين كالعادة أثقلي كم شهر حتى تتم العملية .
2/ امشي وأنتي حاطه راسك بين كتوفك (يعني إني استحي)
ولا ترفعينه حتى لو عورك في الليل ادهنيه بـ ( فكس )
3/ كلمة خاله خليها دائما على لسانج خاصة لأم المعرس عشان تحس انج مؤدبه.
ملاحظه /....
ما فيه مانع تنادين عجوز ثانيه يا خاله عشان إذا ما ضبطت مع العجوز الأولى تضبط مع الثانية.
4/ إذا بدأت أمك تتكلم اغمزيلهاعشان تجيب طاريج في السالفة حتى لو مالج دخل .
5/ كل ما أكلت أمج من أكله زينة خليها تقول اللــــــــــه نفس الأكلة اللي تسويها بنتي وكل أهلنا يحبونها
6/ إذا جيتي تمدين أيدج سوي نفسج تعبانه شوي وخلي أمجتقول أنا قايلتلج وأنا أمج ماله داعي تنظفين طوف البيت
7/ إذا تكلموا الحريم عن العرس اكتمي نفسك الين يحمر وجهج عشان تحس انك مستحيه بس لا تكتمينه حيل (أنا ماني مسئوله لو صار لك شيء)
8/ مهما كان موضوع النقاش حماسي لا تبدين رأيج لأن أحيان اللقافه تجيب أجل الخطة.
9/ شعرك افرديه وخليه طايح لا تجعدينه ولا تنكشينه العجايز مايحبون هالحركات.
10/ إذا قالت العجوز ( أم المعرس ) بأي رأي سياسي أو اقتصادي أو أي شيء وافقيها الرأي حتى لو كان خطأ .

مثلا ....
لو قالت العجوز بوش متقهوي عندنا امس
قولي :ليش ما ناديتيني يا خاله أساعدج؟؟؟

الحين العجوز حطتك في بالها والحين كملي الخطة !!!
اقعدي في بيتكم وخلي التمشيه والأسواق
وقبل يجيكم عشان يشوفك بأسبوع افركي نفسج من شوشتج إلى رجولج
كريمات وبخارواهتمام بالبشرة والشعر



وأخيرا :
لا تصدقون وتروحون تسوونها هذي بس للغشمره



منقووووووووووووووووول http://www.sa-girl.com/vb/images/smilies/vbsmilies/67.gif