سواليــــــف حـــــريم

[نسايم لليل]

:59:

للـي مـا أعـرس

اقرؤوها كاملة

اللي ما أعرس وتوه يبي يستانس

واللي أعرسوا كان الله في عونهم





** الفرق بين المرأة في السنة الأولى من الزواج والسنة العاشرة **



السنة الأولى


تشير

الساعة إلى 6:30 صباحا


تودع زوجها وهو طالع للعمل وتقول له بالسلامه يا حبيبي




الساعة 11 صباحا



تتصل عليه في العمل وتقول له حبيت اسمع صوتك بس يا عمري



الساعة 3 العصر


تستقبله وهو متشيكه وتبوسه وهو داخل للبيت وتقول له

الغدا جاهز يا حياتي ..تحب أحطه لك الحين ؟




الساعة 5 العصر



تصحيه من النوم ببوسه وتقول له اعمل لك شاي يا حبي ؟



الساعة 6 المغرب



تسبل عيونها وتقول بكل خجل يا ريت يا حبيبي ..

يعني لو ما عليك كلافه ..

يعني إذا تقدر توديني شوي لبيت أهلي

إذا كنت تقدر يا عمري وقبل ما ينطق بكلمه

( إذا ما تقدر خلاص مو لازم )

وطبعا يضيع هو في نظره من عيونها



ويوديها لأهلها ولو أنهم ساكنين في الدمام وهو ساكن في الخبر



الساعة 8 بالليل


تتصل على الجوال وتقول

( اشتقت لك يا عمري .. يا ريت تمرني ونروح للبيت )

وطبعا هو عارف وش بيجيه في البيت

فيطمر ويقول للشباب آسف والله يا شباب راسي مصدع ولازم امشي



الساعة 10 بالليل


تجلس في حضنه وتقول


( الله يا حبي تتذكر ؟

تتذكر أيام الخطوبة لما كنت تعمل المستحيل عشان تشوفني ..

وأنا قد ايش كنت سعيدة بشوفتك ياعيوني



الساعة 11 بالليل



الوصول إلى هذه الصفحة غير مسموح !!





بعد مرور عشر سنوات



الساعة 6:30 صباحا



هي في سابع نومه



الساعة 11 صباحا



هي برضه في سابع نومه





الساعة 3 العصر



تستقبله وهي نافخه خشتها وتقول

( شف لي حل مع ولدك سعد هذا ..حتى الآن ما حل الواجب ..

وسوير الله يأخذ عمرها إن شاء الله شاقه مريولها في المدرسة ..

عطني فلوس لازم ... أروح اشتري لها واحد غيره ...

وصويلح يبي علبة هندسه .. توه يقول لي يوم أن الاختبار صار بكره ...

وترى موضي تكنفست مع الدرج وهي كانت في المشاية ... والظاهر إنها تعورت ...



كله من هالشغاله الله يا خذها ...

اسمع يا آنا يا هالشغاله في هالبيت ..

أبيك اليوم تسفرها ما أبي أشوفها

وأبيك بسرعة تقدم على وحده ثانيه ...

وما أبيها تصير حلوه .. يا ويلك لو صارت حلوه ...

وبعدين شغالتي أبيك تشرط عليها إذا سفرتها ما عاد تشتغل عند احد ....

عشان ما تقول إسرار بيتنا للناس اللي تشتغل عندهم

( ما تدري أن أسرار بيتهم كلها عند الجيران من لسانها هاللي وش طوله )



و …و …..و



الساعة 5 العصر


هي تفك هوشه بين سوير وأخوها ويصحى هو على صوتها وهي

تهاوش وتدعي عليهم بجميع الأمراض الخطيرة الحديث منها والقديم

( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية ..الخ )





الساعة 6 المغرب



هو جالس يشرب الشاهي وهي تقول

( نبي نروح لامي بتجيهم بنت خالة جد ولد عم أبوي ...

وبعدين نبي نروح نشتري للبنت مريول ....

وبعدين بنت عمي والده ولازم أروح اشتري لها هديه من باتشي

و أبي أمر على المشغل ..

وبعدين حطنا عند أختي في الشفا من زمان ما شفناهم !



وفي هاللحظه فكر هو انه يشتغل ليموزين أحسن له



الساعة 8 بالليل



تتصل على الجوال

( وينك فيه ؟ وبعدين وين بتروح ؟ ومنهو اللي معك هذا ؟

ووش بتسوون ؟ ومتى بتجي ؟ لا ما فيه الساعة

تعال الساعة 10



الساعة 10 بالليل


جالسين هي وياه عند التلفزيون ..

أخيرا هدوء ...والعيال نايمين ...والجو جميل ..

وفجأة تطالعه وهي ماده بوزها وتقول

( الحين أمك وش عندها اليوم ما ترد يوم إني سلمت ؟



هاه ؟ ( والله ما ادري كان سألتيها )

( وأختك وش هالحركات اللي مالها سنع ...

ليش عازمة الجيران وكل حريم إخوانك إلا أنا ؟؟

لكن هين والله لأسوي عزيمة وما أناديها ..

أصلا هي ما زارتني في المستشفى يوم إني ولدت

وأنا فاهمه قصدها ..لكن هين ..والله لو تحب السما مانيب زايرتها إذا ولدت ...

وبعدين بنات عمك وش عندهم نافخين عمرهم ؟؟

على ايش أبي افهم .. على جمالهم الزايد اللهم لك الحمد بس )

تسكت شوي بعدين تقول

( وبعدين أختك نوره يوم إنها تقول أن سعد ولدي يشبهني ما يشبه أبوه وش قصدها ؟

هاه ؟!



ملاحظه : سعد هو أشين إخوانه



أنا فاهمه قصدها



وتراها إذا ما بطلت هالحركات والغمز واللمز

تراني أبسمعها كلمتين وأخليها تحترم نفسها ...

لا وذاك اليوم تقول اخوي محمد ( اللي هو الزوج )

حلو مره و3 من حريم الجيران قد خطبوه لبناتهم ..

( من زينك بس ما ادري وش لاقين فيك )

يسكت وما يرد !

تسكت هي ثم تقول

( وبعدين أخوك شاري لحرمته ساعة قيمتها عشرين ألف ريال )

يرد ( طيب وش المشكلة ؟ )

( وأنا ليش ما تشتري لي ..وألا أنا ما استاهل ..

وألا هي يعني أحسن مني .. بلاك ما شفتها ...

شينه وطبايعها شينه وحتى طبخ ما تعرف تطبخ )

( خلاص اشتري لك ساعة )

تعصب وتقول ( إيه تسكتني بهالكلام ....

والله لانت شاري ولا شي )

( وش تبيني أقول يا بنت الحلال ؟ )

تقوم وهي تبكي خلاص ما أبي منك شي !



الساعة 11 بالليل


هي زعلانه و نايمة مع العيال



وهو يتحسف على اليوم اللي تزوج فيه !! :32:

[أميرة الورد]

هههههههههههههههههههههههههههههههههههههههههههههههههه ه

حال الدنيا

وهو بعد اكيد مراح يكون زي الايام الاوله في الزواج الكل راح يتغير

والمراه لو ماتغير عليها زوجها اكيد هي ما تبي تتغير

لكن هو يبدا وهي تشوف حركاته وتغير تعاملها معاه

ههههههههههههههههههههههههههههههههههه

اكيد من حقها هو يتغير وهي لا عجيب والله

ههههههههههههههههههههههههههههههه>>اتحمست تدافع

يسلمووووووووو نسايم

تقبلي تواجدي

[نسايم لليل]

مشكوووووووووره اختي اميرووه

وفينا عجايب ولله وهذاي حاااااااااااااااااال الدنيااااااااااااااااااااااااااااااااااا

ههههههههه

وتقبلي خالص تحياتي

[مغروره بس معذوره]

مشكور اختي...
تقبلي مروري
عــــاشقه...(...)...

[فيلسوف نفسه]

الصرااحه كل كلمه بالموضوع صحيحه وهذي حقيقه يعني الله يعين المتزوجين
انا جتني فكره ابتزوج وكل بعد ثلاث سنين ابطلقوحده واباخذ غيرها

[نسايم لليل]

هههههههههههههههههههههه

فكره حلووووووه فيلسووووف

اذا لقيت وحده ههههههه

بنات الناس موووو لعبه اخووووووووووووووووووووي

تسلم اخووي على مرورك الطيب

وتقبل تحياتي

[× الـقنـااص ×]

هههههههههههههههههههههههه

يسلمووووووووووو


مافية احد يبي يسلم

كل واحد يبي يتجنن

ههههههههههههههههههههههه

[ابو سعد العالمي]

( شف لي حل مع ولدك سعد هذا )

يعني ما لقيتي في الكون الا اسم سعد
هههههههههههههههههههههههههههه
على كذا انا ليش اتزوج اقعد عزوبي احسن لي

[وردهـ بلادي]

ههههههههههه
تصدق ما اضحك ع القصهـ
اضحك عليك يا ابو سعد

[نسايم لليل]

ههههههههههههههههههههههههههههههههههههههههههههه

ابو سعد ياخووووفي يكون عمرك ( فووق ) 70

[ابو سعد العالمي]

ههههههههههه
تصدق ما اضحك ع القصهـ
اضحك عليك يا ابو سعد

اظحكي الضحك الايام هذه بلاش
دام انه مجاني حتى انا بضحك
هههههههههههههههههههههه
اوه بسكت صار بفلوس

[ابو سعد العالمي]

ههههههههههههههههههههههههههههههههههههههههههههه

ابو سعد ياخووووفي يكون عمرك ( فووق ) 70



لا ابشرك
نقصي من السبعين 52

هذاعمري
يالله لاحقين الموت لاحقينه
بس مدري هو قدام ولا يجري ورانا

عالعموم اسف عالفلسفة

[بسمة الدموع]

والله ظلمتينا ياأختي هذا بدل ما تدافعي عنا أصلا المرأة بطبعها عاطفية كيف تتغير إلا إذا شافت زوجها تغير
خوفتينا من الزواج ومشاكل سعد والله ضحكت من قلبي على كل الموضوع لكن أكثر شيء ضحكني شوف لي حل مع ولدك سعد هذا يعني قاصدة أبو سعد العالمي ههههههههههههههههههههه

[يتيمة حب]

هههههههههههههههههههههههههههه


شكلنا راح نعنس بها الموضوع

بلا فضايح استرينا نهاااااااااااااااااى

تقبلى مرورى المتواضع

يتووووووووووةووم

[مخاوي الليل]

:75:هههههههههههههههههههههههه

يسلمووووووووووو


مافية احد يبي يسلم

كل واحد يبي يتجنن

ههههههههههههههههههههههه

[الفيررومارتيني]

ياااااااااابو سعد لاتتزوج احسن لك ترا اذا اتزوجت الله يعينك :218::218::218::131::131::174:

[صادق بس مين يصدقني]

ههههههههههههههههههههههههه اذا الله عطني عمر وتزوجت ان شاء الله حياتنا تكون مو زي كذا وتكون على طول فرح ومحبه موضوع جميل نسايم يسعدك ربي

[نسايم لليل]

اشكر كل من شاركني بالرد على الموضوع


ولله لا يحرمني توادكم هنا

تحياتي

[يكفي اني هلاليه]

هههههههههههههه
مشسكوره نسايم

[الدانه]

موضوع رائع

[زعيم آسيا]

مشكوره يانسايم على الموضوع :150:
تحياتي زعيــــــــــــــــــــــم آسيـــــــــــا

[الرحال]

يعطيك العافيه نسووووووممم..,,

[نسايم لليل]

مشكورين عى المرور الطيب


ولله لا يحرمني تواجدكم هنا

تحيات لكم

[▪▫₪ بدر الدجه ₪▪▫]

ينقل لعالم حواء

قسم المراءة والطفل