المساعد الشخصي الرقمي

مشاهدة النسخة كاملة : عائلة قطرية تقيم حفل زفاف بهيج لخادمتهم

اوقاتي
06-20-2007, 10:25 صباحاُ
فاطمة .. او فطوم فلبينية كما يطلقون عليها .. عملت لدى عائلة قطرية كخادمة مدة 11 سنة متوالية وبدون إجازات .. أحبتهم وأحبوها وأصبحت مثل بنتهم وأختهم .. ففي يوم من الأيام جاءت فاطمة إلى معزبتها ربة الأسرة وقالت : ماما .. انا في رجال يسوي كلام بابا مال انا داخل فلبين .. يبي انا عروس
( الترجمة : خطبني رجال من أبوي في الفلبين )
المعزبة : مبرووووك فطوم .. بس انتي ليش زعلانه ؟؟
فاطمة : انا لو في عروس كيف انا بعدين ترشي فلوس ألشان بابا مال انا؟
( الترجمة : لو انا تزوجت اشلون بعدين اطرش فلوس حق أبوي ؟ )
المعزبة : ولايهمج فطوم .. انا ازوجج أحسن زواج وأجيب خطيبج هني الدوحة وأزوجكم
وطارت المسكينة الفلبينية من الفرحة .. ومن فرحتها بغت اتخم وتنظف الفريج كله

من هنا بدأت قصة الزواج .. التي تكفل بها مخدومي فطوم .. وانا كنت شاهدا وحاضرا في هذا الزواج الرائع وبإيجاز بوصف لكم العرس

أولاً طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى حسابهم وسكنوه في بيتهم وعدلوا لهم الغرفة .. صبغ جديد وغرفة نوم وزل على كيفكم .. والمعرس جايب معاه المسكين البدلة السودة ولكن المعزبة قالت حق عيالها فصلوله ثياب وجيبو له بشت .. وبالفعل تم ما أرادت الأم

اما يوم الزواج الرجال والمعازيم من القطريين والفلبينيين المسلمين وحديثي الإسلام .. والعشاء : ذبايح ماشاء الله
وفطوم جابوا لها كوشة .. ودي جي أسلامي ( DJ ) .. و بوفيه من أحد المطاعم الفاخرة .. والمعازيم من القطريات والفلبينيات وصديقات فطوم من خادمات الفريج .. وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بتاريخ 19 / 4 / 2007 .. بصراحة أخنقتني العبرة !!

وإليكم الصور

( صور الزواج بالجوال )

http://www.lail-alsahara.com/2007/06/451.jpg

http://www.lail-alsahara.com/2007/06/454.jpg
طفلة الورد
06-20-2007, 01:41 مساءً
ياااااااااااولد يالحركات متكشخ هالاجنبي بالزي السعوودي هههههه


لكن وربي شي يفـــــــــرح


لابد اننا نعتبر هالخادمات وكأنهم من اهل البيت

لانها لولا الحاجه لما تغربت واهانت نفسها في البيوووت


الله يكوون بعووونهم




يسلم على الخبريه اللي تفرح القلب ورربي


بس اناا ضحكت على المتكشخ هههه
اوقاتي
06-20-2007, 01:44 مساءً
يسلموا على مرورك الكريم


وهذا التعامل بالطبع راح يترك في نفوسهم اثر ايجابي


الله يكثر من امثالهم
dre--gold--am
07-13-2007, 05:27 صباحاُ
بقلب فلبيني

يزوجوني

هههههههههههههههههههههههههههههههه

بصرحاة شيء رائع يزيد الإسلام هيبة في نفوس جديدي الإسلام

ألف مشكووور على الخبر

تحياتي
الذوق
07-14-2007, 06:58 صباحاُ
الف مشكور على الخبر والله يوفقهم انشاالله ويعطيك العافيه على طرحك المتميز وتقبل مروري المتواضع
ضـحـى
07-14-2007, 12:26 مساءً
مشكوووووووووور على الخبر
albalushi
07-14-2007, 01:46 مساءً
يا سلام ... والله ما أدري شو اقول لهذا الام والخادمة الطيبة .... الله يوفقهم ....
.
.
شكرا لك يا خوي الغالي عالخبر السعيد