قصيده للشاعر طلال الرشيد رحمة الله عليه

[اوقاتي]

بسم الله الرحمن الرحيم
الاخوه الاعزاء اعجبتني هذه الابيات فوددت نقلها لكم
وهي صادرة من احد الخليجيين بعد رجوعه من المغرب
يعني لعاد موض ولا حصه عجبنه.

ياللي تنشد عن علوم الذي طاف***كل البحور وكـل دولـه وديـره

خذ من علومي علم اوصافه اوصاف***جزل سمين يشتعل له سعيـده

الزين عقب المغربيات ينعاف***غيد لهن بالزيـن ذكـره و سيـره

فيهن حلا طاغي ولين و تعطاف***وفيهن حنان يشعل القلـب غيـره

حلوات وصف وفاهمات بالاعراف***زيننات منطق صافيات السريره

بنات قوم طيبهم غصب ينشاف***اولاد مغـرب بالليـل العسيـره

ياللي تنشد عن علومي بالانصاف***هرجي يكفي صامله عن كثيـره

الزين في لميا وتغريد و الطاف***ماهوب في حصه و كشره و منيره


فرد عليه احد الشعار الاخرين بهذه الابيات


قال الذي في بدع الامثال صراف***جزل يفرق بين درهم وليره


ياللي مدحت المغربيات بجحاف***الله يجيرك من عماه البصيره


لو تعجبك لميا وتغريد والطاف***مايصلحن لهل الوجيه السفيره


مفصخات و لبسهم حول الارداف***وبليس اغواهم بكشف الستيره


متعودات كلهم زيف وخفاف***على التغنج والتعطف وغيره


كل يوم مع صاحب و لافيهم اعفاف***خويهم اللي فلوسه كثيره


ترى البضايع عده اشكال و اصناف***وكل ينوخ وسط سوقه بعيره


عز الله ان الطيب في بنت الاشراف***اللي على الحشمه تربت صغيره


ولا تبين منها كود الاطراف***مثل القماشه فالبحور الغزيره


ياللي تدور بالجواهر و الاصداف***الزين كله في بنات الجزيره


وهذا الرد للشاعر طلال الرشيد يرحمه الله

يابن الحلال ان طعتني خل الاسراف***واترك جمال الغيد لاهل البصيره

الزين موبس في الملامح والاوصاف***الزين روح وعفه وطيب سيره

مانيب من يهوى سريا وانصاف***انا هواي وبس بنت الجزيره

بنت الخليج اللي تماري بالاعراف***وحنا نماري باسمها كل ديره

مالي غرام بقول وخا وبالزاف***اذبحتني عند الطرحه المستديره

احب قولة ياهلا وعل وماخلاف***من بنت ثوبي بنت الارض النضيره

اللي تحلاها الظبي حلو الاطراف***جمال في عفه ورقه وغيره

واللي بها سحر مهو سحر عراف***ياعل عين ماتراها ضريره

عطف وحنان وذوق في لين الاعطاف***والى كشفت لثامها شفت أميره

صعب على اللي بالردي شاف ماعاف***وحلوه علىاللي سنه الله ضميره

شمس الى من اشرقت والدجا طاف***غابت نجومك غصب لو هي كثيره

السيف مايزهى سوى كف سياف***والخيل دون حصانها مستخيره

بس أنت دورلك على قدك لحاف***وان طعتني دور بدلنا عشيره
ولكم تحياتي

[الكووبرا]

الله الله

.. شاعر .. وعن مليون شاعر ..

الله يرحمه

ويسلمووو عالنقله الجميله .. لاعدمناكـ

[اوقاتي]

الله يسلمك يا قلبي


يكفي شوفته رحمت الله عليه

تشرح الصدر

[albalushi]

احم احم .... اسم شاعر طلال الرشيد ... وانا طلال عبدالرشيد ...... يعني شوف الاسامي شوف
.
.
هو شاعر , وأنا مخرب الشعر ... ما شيء فرق بيني وبينه .. هههههههههه
.
.
.
شكرا لك على الابيات الرائعة جدا
.

[يتيمة حب]

قصيدة فى منتهى الروعة يسلم زوقك اخوى اوقاتى
امتعنا داءما بمشاركاتك الرائعة
الى الامام
يتيمة حب

[dre--gold--am]

يسلموا يا غالي على النقل المميز

دامك على القوة

تحياتي

[الذوق]

مشكور اخوي على هذه المشاركه لقد اخترت فاحسنت الاختيار سلمت يمينك

[اميره الثلج]

مشكور الله يعطيك العافيه على القصيده الحلوه

[سعودي مشاكل]

تسلم اخوي على هالنقلة الحلوة


الله يعطيك العافية